Über SchtiereGring

Eigentlech mache ig ganz angeri Musig, wie zum Bischpiu, EXCELSIS und MINHYRIATH wo rächt chlepfe u donnere, oder mit em Könu zäme „MuniSieche“, wo Dudusack & Cajon zäme mit Beats mischt ;-)! Mittelaltermusig und verschideni Instrumänt wie Flöten und Dudusack het mir aber scho gfaue, wos no nid so verbreitet isch xsi wie jetze! Im 1995 wo ig mit Excelsis agfange ha Dudusack mit herte Gitarrene z mische, hei die meischte Lüt nume mit em Finger uf d Schläfe zeigt :-)! So ha ig mi entschlosse, die paar Liedli wo ig scho vomene Zytli gmacht ha, zum Teil neu Ufznäh! Wärend de Ufnahme ha ig aber so freud übercho dranne, dass ig beschlosse ha, no es paar Liedli me zmache :-)! Und… wäri do nid es paar Fründe xsi wo mi gäng chly hei as Füdle gschuttet, wärs ersch gar nid so wyt cho!! Danke!
S Ergäbniss heisst „Liedli us dr Gägend“ und isch 2012 usecho!
Ig ha so Spass übercho a dene Songs und dere Art vo Musig (nid z letscht wiu mir üse Hung Chewi zeigt het dass es i üsere Umgäbig ou schön isch und es durchus ou schöni und interessanti Gschichte und Sage git, ohni das me rund ume Globus mues reise ;-), dass ig vo üsne Streifzüg dürt Natur gwüssi Sache ha ufgno und probiert ha das i Liedli feschtzhaute!
Mi zwöiti CD het deshaub dr träffend Name „Abentüürer“ erhaute wo am 7. Mai 2016 isch usecho !
Aller guter Dinge, si jo bekanntlech Drei... und so wird sehrwahrschinlech
scho bau es 3. Aubum am Start si :-)!

Hie ch me übrigens d SchtiereGring Album bschteue :-)!

www.plotterkammer.ch